Eus ar 1añ a viz Mezheven d’an 30 a viz Gwengolo : bilhed koublet evit mirdi ar C’hoc’hu ha hini Kastell Gailhard
Priz leun 6,50 € / Priz digresket 4,50 €
Priz evit ar strolladoù, hep heñcher-prezeger (ouzhpenn 10 a dud) 3,10 €

Prezegennoù (prizioù evit ar bloavezh a-bezh)
Priz leun 5,10 € / Priz digresket 3,10 €

Pass Mirdi : 12 €. Evit mont d’an holl virdioù e-pad bloaz.

Bilhedoù digoust ha digresket : digoust eo mont er mirdi evit ar re dindan 18 vloaz, an dud a zo koumanantet d’ar vediaoueg, deskarded atalieroù arzoù-neuziañ Maner Trussac (gant ma vo diskouezet ar gartenn), an dud a c’hall kaout prizioù G ha H ar rannad tiegezhel (gant ma vo diskouezet un testeni), izili Kevredigezh Liesdiskiblezh ar Mor-Bihan, Mignoned an arz a vremañ e mirdi Gwened, ar re o deus ur gartenn ICOM pe ur gartenn kazetenner, mirour pe heñcher-prezeger.

N’eo ket digoust ar prezegennoù hag an emgavioù renket gant ar mirdi, nemet evit Mignoned an arz a vremañ e mirdi Gwened. Ur priz digresket zo evit ar studierien (etre 18 ha 25 bloaz), ar re a glask labour, ar gelennerien hag an dud nammet, hag ivez evit ar re o deus bet ur bilhed « gweladenniñ kêr » digant ar servij da vuheziñ ar glad.

Eus ar 1añ a viz Here d’an 31 a viz Mae :

Serr e vez ar mirdi istor hag arkeologiezh – Kastell Gailhard e-maez an hañv, nemet e-pad vakañsoù an Hollsent.

Pa vez digor en un doare dreistordinal, ha miret plasoù : lakaet e vo ar priz koublet Koc’hu/Kastell Gailhard da dalvezout, evel e-pad an hañv, ha gant-se e c’haller gweladenniñ an daou virdi : 6,50 €.